ஹிஜ்ரி 1437, ரமழான் மாதத்தின் தலைப்பிறை பற்றி தீர்மானிக்கும் நாள் எதிர்வரும் 6 ஆம் திகதி திங்கட்கிழமை மாலை செவ்வாய் இரவாகும்.
எனவே அன்றைய தினம் மாலை மஃரிப் தொழுகை நேரமான 6.24 மணிமுதல் ரமழான் மாதத்தின் தலைப்பிறையைப் பார்க்குமாறு கொழும்பு பெரிய பள்ளிவாசல் அனைத்து முஸ்லிம்களையும் வேண்டியுள்ளது.
பிறை கண்டவர்கள் தகுந்த ஆதாரத்துடன் நேரில் அல்லது இங்கு குறிப்பிடப்பட்டுள்ள தொலைபேசி இலக்கங்கள்: 011 5234044, 011 2432110, 077 7316415 ஒன்றிற்கு அறியத் தருமாறும் தெரிவித்துள்ளது.
இதேவேளை ரமழான் மாதத்தின் தலைப்பிறையைத் தீர்மானிக்கும் மாநாடு எதிர்வரும் 6 ஆம் திகதி மஃரிப் தொழுகையைத் தொடர்ந்து நடைபெறவுள்ளது.
இம் மாநாட்டில் கொழும்பு பெரிய பள்ளிவாசல், அகில இலங்கை ஜம்இய்யத்துல் உலமாவின் பிறைக்குழு உறுப்பினர்கள், முஸ்லிம் சமய கலாசார திணைக்கள பிரதிநிதிகள் என்போர் கலந்து கொள்ளவுள்ளனர்.
இது தொடர்பான விபரங்களை இன்று குப்தா பிரசங்கத்திலும் 6 ஆம் திகதி மாலை மஃரிப் தொழுகையின் பின்பும் அறிவிப்புச் செய்யும் படி அனைத்து பள்ளிவாசல் நிர்வாகங்களும் வேண்டப்பட்டுள்ளன.
