(முசலியான்)
மன்னார் மாவட்டத்தில் முசலி கல்வி கோட்டத்தில் உள்ள தேசிய பாடசாலை ஒன்றிலும்,மாகாண பாடசாலை ஒன்றிலும் ஆசிரியர்களாக கடமையாற்றும் ஒரு சில ஆசிரியர்கள் பாட நேரத்தில் ஆசியர்கள் விடுதியில் ஒய்வு எடுக்க செல்கின்றார்கள் என அறியமுடிகின்றது.
முசலி தேசிய பாடசாலை மற்றும் பண்டாரவெளி முஸ்லிம் மகா வித்தியாலயம் ஆகிய பாடசாலைகளில் புதிதாக கட்டிய ஆசிரியர்கள் விடுதியில் ஒரு சில ஆசிரியர்கள் பாடசாலை நேரங்களில் மாணவர்களுக்கு கல்வியினை கற்றுக்கொடுக்காமல் நேரத்தை வீண் விரயம் செய்யும் நோக்குடன் இவ்வாறு நடந்துகொள்ளுகின்றார்கள் என வலையக் கல்விப் பணிப்பாளருக்கு முறைப்பாடுகளை கூட பெற்றோர்கள் வழங்கி உள்ளனர்.
இந்த பிரச்சினை தொடர்பாக முசலி கோட்டத்தில் அதிபர்களுக்கு இடம்பெறும் கூட்டத்தில் கூட கோட்டக் கல்வி பணிப்பாளர் தனது கண்டனத்தை கூட வெளியீட்டு உள்ளார் என அறிய முடிகின்றது.
