கொலையை மூடி மறைத்து பிரேத பரி­சோ­தனை அறிக்கை

கொலை செய்­யப்­பட்ட பிர­பல றக்பி வீரர் வஸீம் தாஜுதீன் தொடர்பில் முதலில் பிரேத பரி­சோ­தனை செய்த முன்னாள் கொழும்பு பிர­தான சட்ட வைத்­திய அதி­கா­ரியும், சைட்டம் தனியார் கல்­லூ­ரியின் முன்னாள் உபவேந்­த­ரு­மான வைத்­தியர் ஆனந்த சம­ர­சே­க­ரவின் வைத்­திய பதிவை 6 மாதங்­க­ளுக்கு இடைநிறுத்தி வைக்க இலங்கை வைத்­திய சபை தீர்­ம­னைத்­துள்­ளது.

வஸீம் தாஜுதீன் கொலை வழக்கில் நீதிவான் பிறப்­பித்த உத்­த­ர­வுக்கு அமைய ஆனந்த சம­ர­சே­கர மருத்­துவ ஒழுக்க விதி­மு­றை­களை பேணி உள்­ளாரா என ஆராயும் வித­மாக விசா­ர­ணை­களை ஆரம்­பித்த 7 பேர் கொண்ட மருத்­துவ சபையின் சிறப்பு விசா­ரணைக் குழு, கடந்த ஆறு மாதங்­க­ளாக இது தொடர்பில் சாட்சி விசா­ர­ணை­களை நடாத்­திய நிலை­யி­லேயே ஆனந்த சம­ர­சே­க­ரவை குற்­ற­வா­ளி­யாக கண்டு இந்த தீர்­மா­னத்தை எடுத்­துள்­ளது.

இது தொடர்பில் அடுத்த வழக்குத் தவ­ணையின் போது இலங்கை மருத்­துவ சபை இந்த விசா­ரணை அறிக்­கையை கொழும்பு மூன்றாம் இலக்க மேல­திக நீதி­வா­னுக்கு சமர்ப்­பிக்­க­வுள்­ளது.

நீதி­மன்றின் உத்­த­ர­வுக்கு அமைய இலங்கை மருத்­துவ சபை ஆனந்த சம­ர­சே­க­ர­வுக்கு எதி­ராக 5 குற்­றச்­சாட்­டுக்­களை சுமத்தி விசா­ர­ணை­களை நடாத்­தி­யி­ருந்­தது. இதன் போது மூன்று குற்­றச்­சாட்­டுக்கள் தொடர்பில் ஆனந்த சம­ர­சே­க­ரவை மருத்­துவ சபை விசா­ரணைக் குழு குற்­ற­வா­ளி­யாக கண்­டுள்­ளது.

சரி­யா­ன­தொரு நடை முறை இன்றி பிரேத பரி­சோ­தனை ஒன்­றினை நடாத்­தி­யமை, எலும்புத் துண்­டுகள் காணாமல் போனமை, பொறுப்­பற்ற முறையில் செயற்­பட்­டமை ஆகிய மூன்று குற்றச் சாட்­டுக்கள் தொடர்­பி­லேயே அவர் இவ்­வாறு குற்­ற­வா­ளி­யாக  அடை­யாளம் காணப்­பட்­டுள்ளார்.

இந் நிலை­யி­லேயே ஆனந்த சம­ர­சே­கர வைத்­தியர் என்ற பதி­வினை 6 மாதங்­க­ளுக்கு இலங்கை மருத்­துவ சபை ரத்து செய்­துள்­ளது.

கடந்த 2012 ஆம் ஆண்டு மே மாதம் 17 ஆம் திகதி வஸீம் தாஜுதீன் எரியும் காருக்குள் இருந்து நார­ஹேன்­பிட்டி சாலிகா மைதா­னத்­துக்கு அருகில் வைத்து சட­ல­மாக மீட்­கப்­பட்டார். இது தொடர்பில் முதலில் அப்­போ­தைய சட்ட வைத்­திய அதி­காரி ஆனத்த சம­ர­சே­கர  பிரேத பரி­சோ­த­னை­களை நடாத்­தினார். இதன் போது வஸீம் தாஜு­தீனின் மரணம் விபத்தால் ஏர்­பட்­டது என அவர் அறிக்கை சமர்ப்­பித்­துள்ளார். இந் நிலையில் வஸீமின் சடலம் மீள தோண்டி எடுக்­கப்­பட்டு தற்­போ­தைய கொழும்பு பிர­தான சட்ட வைத்­திய அதி­காரி விஷேட வைத்­திய நிபுணர் அஜித் தென்­னகோன் தலை­மை­யி­லான மூவர் கொண்ட குழு­வி­னரால் பிரேத பரி­சோ­தனை முன்­னெ­டுக்­கப்­பட்­டது.

இதன் போதே வஸீம் கொலை செய்­யப்­பட்­டுள்­ளமை உறு­தி­யா­னது.

முதலில் இடம்­பெற்ற பிரேத பரி­சோ­த­னை­களின் போது மேல­திக சோத­னை­க­ளுக்கு என எடுக்­கப்­பட்ட வஸீமின் சில எலும்­புகள் காணாமல் போயுள்­ள­மையும் தெரி­ய­வந்­தது. இந் நிலை­யி­லேயே முதல் பிரேத பரி­சோ­த­னையை முன்­னெ­டுத்த வைத்­தியர் ஆனந்த சம­ர­சே­கர  வைத்­திய ஒழுங்கு விதி­மு­றை­க­ளுக்கு அமைய நடந்­து­கொண்­டுள்­ளாரா என்­பதைக் கண்டறிய இலங்கை மருத்துவ சபை விசாரணை நடாத்தி அறிக்கை சமர்ப்பிக்க நீதிமன்றம் உத்தரவிட்டது.

இந்த விசாரணைகளிலேயே மருத்துவ சபையால் ஆனந்த சமரசேகர தற்போது குற்றவாளியாக காணப்பட்டுள்ளதாக இலங்கை மருத்துவ சபையின் உயர் அதிகாரி ஒருவர் சுட்டிக்காட்டினார்.