vanni 
அமெரிக்க விசாவினைப் பெறுவதற்கு பேஸ்புக், ட்விட்டர் உள்ளிட்ட கணக்கு விபரங்களையும் விண்ணப்பத்தில் குறிப்பிட வேண்டும் என்ற புதிய முறை அமுலுக்கு வந்துள்ளது.
அமெரிக்க அதிபர் டொனால்ட் டிரம்ப், வெளிநாட்டு ஊழியர்களின் வருகையைக் கட்டுப்படுத்த H1-B விசாவில் புதிய விதிமுறைகளைக் கொண்டுவந்தார்.
அதேபோல், அமெரிக்காவில் தீவிரவாதிகளின் ஊடுருவலைத் தடுக்க பல்வேறு நடவடிக்கைகளை எடுத்துவரும் அவர், வெளிநாட்டினருக்கு வழங்கப்படும் விசாவில் புதிய கட்டுப்பாடுகளைக் கொண்டுவர உத்தரவிட்டுள்ளார்.
அதன்படி, அமெரிக்க விசாவிற்கான விண்ணப்பத்தில் 5 ஆண்டுகள் பயன்படுத்திய பேஸ்புக், ட்விட்டர் கணக்கு விபரங்களைக் குறிப்பிட வேண்டும் என்றும், இ-மெயில், தொலைபேசி எண் ஆகியவற்றையும் குறிப்பிட வேண்டும் என்றும் கூறப்பட்டுள்ளது.
விசா விண்ணப்பதாரி தீவிரவாத நடவடிக்கையில் ஈடுபட்டவரா என்பதை அறிவதற்காக இதுபோன்ற முறை அமலுக்கு வந்துள்ளதாக அமெரிக்க குடியுரிமை துறை அதிகாரிகள் தெரிவித்துள்ளனர்.