எம்.எஸ்.எம். ஸப்வான்
கொள்கை பரப்பு செயலாளர்,
ஐக்கிய காங்கிரஸ் கட்சி
இன்று (15) முசலி வேப்பங்குளம் முஸ்லிம் மகா வித்தியாலயத்தில் வழங்கப்பட்ட CORONA தடுப்பூசி முசலியில் உள்ளவர்களுக்கு மாத்திரம் தான் வழங்கப்படும் என்றும் புத்தளத்தில் வசிக்கின்றபோது அடையாள அட்டை பெற்றவர்களுக்கு தடுப்பூசி வழங்கப்படாது என்றும் அதிகாரிகள் தடுத்ததை ஐக்கிய காங்கிரஸ் கட்சி கண்டித்துள்ளது.
இன்று முசலியில் தடுப்பூசி வழங்குவதாக மக்கள் அழைக்கப்பட்டபோது அடையாள அட்டையின் முகவரி வேறாக இருந்த போதும் தாம் வாழ்வது முசலியில் என்பதை கிராம சேவகர் மூலம் உறுதிப்படுத்திய போதும் தடுப்பூசி வழங்காமை அதிகாரிகளின் தவறாகும்.
இது விடயத்தில் மக்கள் சார்பாக நின்ற கிராம சேவை அதிகாரிகளும், அதிகாரிகளால் கண்டிக்கப்பட்டதாக சொல்லப்படுகிறது.
ஆகவே முசலியில் வாழ்வதை உறுதிப்படுத்தும் அனைத்து மக்களுக்கும் தடுப்பூசி வழங்க நடவடிக்கை எடுக்க வேண்டும் என ஐக்கிய காங்கிரஸ் கட்சி கேட்டுக்கொள்கிறது.
