vanni 
ஸ்ரீலங்கா முஸ்லிம் காங்கிரஸின் 27 பேராளர் மாநாட்டில் கட்சியின் புதிய தவிசாளராக மன்சூர் ஏ. காதர் நியமிக்கப்பட்டுள்ளார்.
கட்சியில் தவிசாளராக நீண்டகாலம் பதவிவகித்த முன்னாள் அமைச்சர் பஷீர் சேகுதாவூத் குறித்த பதவியிலிருந்து இடைநிறுத்தப்பட்டுள்ளமை குறிப்பிடத்தக்கது.
கொழும்பிலுள்ள பண்டாரநாயக்க ஞாபகார்த்த மாநாட்டு மண்டபத்தில் இடம்பெறும் இந்த மாநாட்டில், கட்சியின் புதிய உறுப்பினர் சபை மற்றும் உயர்பீட உறுப்பினர்கள் தெரிவு செய்யப்படவுள்ளமை குறிப்பிடத்தக்கது.
மேலும், பேராளர் மாநாட்டில் கட்சியின் எதிர்கால நடவடிக்கைகள் தொடர்பில் அறிக்கை சமர்ப்பிக்கப்பட்டு ஆதரவாளர்களின் ஒப்புதல் பெறப்படவுள்ளது. கட்சியின் யாப்பில் திருத்தம் கொண்டுவருவதாயின் பேராளர் மாநாட்டின்போதே அதனை மேற்கொள்ள முடியும். ஆகவே, கட்சியின் உத்தியோகபூர்வ செயலாளர் விடயத்தில் யாப்பு திருத்தம் மேற்கொள்ளப்படவுள்ளமையும் குறிப்பிடத்தக்கது.