கறுப்­புப்­பட்டி அணிந்து சபைக்கு சென்ற லாபிர்

நாட்டில் மீண்டும் அதி­க­ரித்­து­வரும் பள்­ளி­வா­சல்கள் தாக்­கு­தல்கள், முஸ்லிம் வர்த்­தக நிலை­யங்­க­ளுக்கு தீ வைத்தல் உள்­ளிட்ட முஸ்லிம் விரோ­தபோ­க்கு­க­ளுக்கு எதி­ராக மத்­திய மாகாண சபை உறுப்­பினர் ஜெ.ஜெய்­னு­லாப்தீன் (லாபிர் ஹாஜியார்) நேற்­று­முன்­தினம் மாகாண சபைக்கு கறுப்­பட்­டி­ய­ணிந்து சென்றார்.

அத்­துடன் அங்கு இன­வாத செயற்­பா­டுகள் குறித்து கடும் கண்­ட­னங்­களை தெரி­வித்து உரை­யாற்­றினார்.

அவர் சபையில் உரை­யாற்றும் போது,
நாட்டை இனவாதத்­திற்கு கொண்டு செல்லும் ஒரு சூழ்ச்சி நடை பெறு­கி­றது. அதற்கு நாம் பலிக்­க­டா­வாக முடி­யாது. அர­சியல் செய்­வ­தாயின் அர­சியல் விதி முறை­க­ளின்­படி அணுக வேண்டும். அதனை விட்டு விட்டு பிழை­யான அணுகு முறை­களைக் கொண்­டு­வரக் கூடாது; கையா­ளவும் முடி­யாது.

அண்­மை­காலச் சம்­ப­வங்கள் அதனை  நித­ர்ச­ன­மாக எடுத்­துக்­காட்­டு­கின்­றன. ஒரு சிறிய குழு ஒரு சில இளை­ஞர்­க­ளையும் மத­கு­ருக்­க­ளையும் அழைத்துக் கொண்டு வீராப்புப் பேசித் திரி­கின்­றது. பேசினால் மட்டும் பர­வா­யில்லை. கடந்த சில நாட்­க­ளாக பள்­ளிகள் தாக்­கப்­பட்டு வரு­கின்­றன. மனி­தனை மனி­த­னாக வாழ வழி­காட்­டு­வதே சம­யங்கள்.

சம­யங்­க­ளுக்கு வழி­பாட்டு முறைகள் உண்டு. அவ்­வாறு வழி­ப­டு­வ­தற்கே வணக்­கஸ்­த­லங்கள் அமைக்­கப்­ப­டு­கின்­றன. அவை பள்­ளி­யாக இருக்­கலாம். கோவில்­க­ளா­கவும் இருக்­கலாம் அல்­லது வேறு ஒன்­றா­கவும் இருக்­கலாம்.

ஆனால் மத வழி­பாட்­டி­டங்­களில் கைவைத்­த­வர்கள் தண்­ட­னையில் இருந்து தப்­பி­ய­தாக வர­லா­றுகள் இல்லை. எனவே மத நிந்­தனை அல்­லது வழி­பாட்டு ஸ்தலங்­களின் மீது தாக்­குதல் நடத்­து­வதை நாகரிக சமூகம் ஏற்றுக் கொள்­ளாது. அண்­மையில் சில பள்­ளி­களில் மேற்­கொள்­ளப்­பட்ட தாக்­கு­தல்­களை வன்­மை­யாகக் கண்­டிக்­கிறேன். அதற்கு எனது எதிர்ப்பைத் தெரி­விக்கும் வகை­யில்தான் நான் இன்று கறுப்­பட்டி அணிந்து வந்­துள்ளேன்.

எனக்கு தமிழ், முஸ்லிம், சிங்­கள இனங்­களைச் சேர்ந்த முத்­த­ரப்­பி­னரும் வாக்­க­ளித்துள்­ளனர். என்னால் எனக்கு வாக்­க­ளித்த மக்­களை ஏமாற்ற முடி­யாது. நான் பிரதிநிதித்­துவப் படுத்­து­வது இன, சாயம் பூசிய கட்­சி­யல்ல. ஐக்­கிய தேசியக் கட்­சி­யாகும். எனவே எம்மில் ஐக்­கியம் உண்டு. நாம் சக­ல­ரையும் அர­வ­ணைத்துச் செல்லும் ஒரு கட்­சி­யினர். எனவே இன­வாதம் மத­வாதம் பேசும் சகல செயற்­பா­டு­க­ளையும் வன்­மை­யாகக் கண்­டிக்­கிறேன்.

பௌத்­தர்கள் மதிக்கும் மகா­நா­யக்க தேரரை குறை கூறிக்­கொண்டு அவர் முன்­னி­லையில் வந்து ஓர் இனத்தை அழிப்பேன், பள்­ளி­களை உடைப்பேன் என ஒரு­வரால் எப்­படி சவால் விட முடியும். இவ்­வா­றான செயற்­பா­டு­களை கண்டும் காணா­தது போல் இருக்க முடி­யாது. மாகாண சபை என்ற வகையில் இப்­ப­டி­யான விட­யங்­க­ளுக்கு ஒரு தீர்வு பெறப்­பட வேண்­டும எனக் கேட்­கிறேன்.

இவ்­வா­றான பிரச்­சி­னைகள் ஆரம்­பத்­திலே களையப்­பட வேண்டும். தலை தூக்க அனுமதிக்கக் கூடாது. பிரச்சினைகள் பூதாகரமாகிய பின் யோசிப்பதில் பயனில்லை.

மத்திய மாகாணத்தில் அமைதியை நிலைநாட்டும் பொறுப்பு முதலமைச்சருக்கு உண்டு. எனவே அவர் அதனை சரியாகச் செய்வார் என எதிர்பார்க்கிறேன் என்று குறிப்பிட்டார்.