(அனா)
உலக நீரிழிவு தினத்தை முன்னிட்டு ஏறாவூர் கூட்டுறவு வைத்தியசாலையின் ஏற்பாட்டில் நீரிழிவும், நீரிழிவு சார்ந்த நோய் தொடர்பான இலவச வைத்திய ஆலோசனையும் பரிசோதனையும் ஞாயிற்றுக்கிழமை ஏறாவூர் கூட்டுறவு வைத்தியசாலையில் இடம்பெற்றது.
ஏறாவூர் பல நோக்கு கூட்டுறவு சங்க பொது முகாமையாளர் எம்.எல்.ஏ.லத்தீப் தலைமையில் இடம் பெற்ற வைத்திய ஆலோசனை நிகழ்வில் மட்டக்களப்பு போதனா வைத்தியசாலையின் பொது வைத்திய நிபுணரும் நீரிழிவு வைத்திய நிபுணருமான டாக்டர் எம். முருகமூர்த்தி கலந்து கொண்டு வைத்திய ஆலோசனையையும் நீரிழிவு தொடர்பான பரிசோதனையையும் நடாத்தினார்.
இவ் வைத்திய முகாமிற்கு நூற்றுக்கும் அதிகமானோர் கலந்து கொண்டதுடன் அறுபது பேர் நீரிழிவு தொடர்பான பரிசோதனை செய்து கொண்டதாக ஏறாவூர் பல நோக்கு கூட்டுறவு சங்க பொது முகாமையாளர் எம்.எல்.ஏ.லத்தீப் தெரிவித்தார். 
