ஒழுக்கமான மாணவர் சமூகத்தை கட்டியெழுப்ப ஆசிரியர்கள் அர்ப்பணிப்புடன் செயலாற்ற வேண்டுமென்றும் பாட நேரங்களில் அநாவசியமாக பொழுதைக்கழிக்கக் கூடாதெனவும் நேற்று (05) தெரிவித்தார்.
மன்னார் மாவட்டத்தில் மீள் குடியேற்றம் நடைபெற்றுள்ள இடங்களில் அமைந்துள்ள பாடசாலைகளில் பல்வேறு பிரச்சினைகள் இருக்கின்றன. ஆசிரியர் தட்டுப்பாடு, கதிரை மேசைப் பற்றாக்குறை, நீர்த்தட்டுப்பாடு, போக்குவரத்துப் பிரச்சினை இவ்வாரான இன்னோரன்ன பிரச்சினைகளை மாணவர்கள் எதிர்நோக்குகின்றனர். முடிந்தவரையில் இவற்றை நிவர்த்திப்பதற்கு நான் முயற்சிகளை மேற்கொள்கின்றேன்
.
முசலியின் வரலாற்றில் முன்னரெல்லாம் நீங்கள் மாடிக்கட்டிடங்களைக் கண்டிருக்க மாட்டீர்கள். வானளாவ உயர்ந்து நிற்கும் பாடசாலைக் கட்டிடங்கள் வானத்திலிருந்து குதித்தவையல்ல. வெளிநாடுகளிடமும் உள் நாட்டுப் பரோபகாரிகளிடமும் நாம் கெஞ்சிப்பெற்றவை. எனினும் நீங்கள் என் மீது நன்றியுணர்வு பாராட்ட வேண்டுமென்று நான் கூற வரவில்லை. சமூகத்தின் மீதான பற்றுதலினால் எனது அரசியல் வாழ்வில் பல்வேறு கஷ்டங்களின் மத்தியில் உங்களுக்கு உதவுகின்றேன்.
எனக்கெதிராக எத்தனையோ விமர்சனங்கள். காடுகளை அழிப்பதாக பல்வேறு வழக்குகள். எல்லாவற்றையும் எதிர்கொண்டு தனி மனிதனாக நின்று போராடி வருகின்றேன். எத்தனை தடைகள் வந்தாலும் அத்தனை தடைகளையும் மீறி மக்கள் பணியாற்றும் சக்தியை இறைவன் தந்துள்ளான்.
எனவே ஊரார் பிள்ளைகளை நல்ல முறையில் கற்பித்தால் உங்கள் பிள்ளை உயர்ந்த நிலைக்கு வரும் என்பதே யதார்த்தமாகும் என்று தெரிவித்தார்.
