அய்யூப் அஸ்மீனை வன்மையாக கண்டிக்கும் வட மாகாண சபை உறுப்பினர் றயீஸ்

மேலும் கடந்த ஜனவரி மாதம் கனடாவில் இடம்பெற்ற வடகிழக்கு மீள் கட்டுமான மாநாட்டில் வடமாகாண சபை சார்பாக கலந்து கொண்டிருந்த அஸ்மீன் அவர்கள் முஸ்லிம் மக்கள் தொடர்பாக முன்வைத்த கருத்துக்களையும் பகிரங்கமாக வெளிப்படுத்த வேண்டும் என கேட்டுக்கொள்கிறேன். அஸ்மீன் அவர்கள் கடந்த மாகாண சபைத் தேர்தலில் போட்டியிட்டு மக்களால் நிராகரிக்கப்பட்டவர். எனவே முஸ்லீம் மக்கள் சார்பாக குறிப்பாக வட கிழக்கு முஸ்லீம்கள் சார்பாக தீர்மானம் மேற்கொள்ள எவ்வித அங்கீகாரமும் அவருக்கு இல்லை. தனக்கு போனஸ் ஆசனத்தை வழங்கிய தமிழ் கூட்டமைப்புக்கு நன்றி விசுவாசத்தைக் காட்ட தன் சமூகத்தை காட்டிக் கொடுக்க வேண்டிய அவசியமில்லை.

இன் நிலையில் நல்லாட்சிக்கான மக்கள் முன்னணி அய்யூப் அஸ்மினை வடமாகாண சபையில் இருந்து மீளழைத்தல் என தமது உயர்சபையில் தீர்மானித்திருக்கின்ற முடிவினை உடனடியாக அமுல்படுத்த முன்வரவேண்டும் என்ற கோரிக்கையினை வடமாகாண முஸ்லிம்கள் சார்பாக தான் விடுப்பதாகவும் குறிப்பிட்டுள்ளார். முஸ்லிம் காங்ரஸ் தமது சமூகத்தினது உரிமைகளையும் அபிலாஷைகளையும் தலைவர் ஹக்கீம் தலைமையில் அடைந்து வருகின்ற நிலையினை சிலாவத்துறை படைமுகாம் அகற்றுதல் விடயத்தில் இறைவன் வெளிச்சத்திற்கு கொண்டு வந்ததையிட்டு மனமகிழ்கின்றேன். அத்துடன் முஸ்லிம் சமூகம் தலை நிமிர்ந்து தன்மானத்துடன் தனியான அரசியல் அதிகாரத்தை பிரயோகிக்கின்ற ஓர் அலகு மறைந்த தலைவர் மர்ஹும் அஸ்ரப் கொண்டிருந்த இலட்சிய அரசியல் அலகினை நிறுவுகின்ற காலம் விரைவில் கிட்டயிருப்பதாகவும் றயீஸ் தெரிவித்துள்ளார்.