மன்னார் மடுமாதா தேவாலய பிரதான நிர்வாகி எமிலியன்ஸ் பிள்ளை மற்றும் மறை மாவட்ட நிர்வாகிகளின் வேண்டுகோளின் பேரில் ஸ்ரீ லங்கா முஸ்லிம் காங்கிரஸ் தலைவரும் அமைச்சருமான ரவூப் ஹக்கீம் நேற்று (14) மடுமாதா தேவாலயத்துக்கு சினேகபூர்வ விஜயமொன்றை மேற்கொண்டார்.
இதன்போது மடுமாதா தேவாலயத்தில் நிலவும் குடிநீர் மற்றும் சுகாதார பிரச்சினைகள் மற்றும் எதிர்காலத்தில் மேற்கொள்ளப்படவேண்டிய அபிவிருத்தி திட்டங்கள் தொடர்பாகவும் கலந்துரையாடப்பட்டது. விசேட அமைச்சரவை பத்திரமொன்றை சமர்ப்பித்து குடிநீர் பிரச்சினைக்கு நிரந்தர தீர்வை பெற்றுத்தருவதாக அமைச்சர் ரவூப் ஹக்கீம் இதன்போது தெரிவித்தார்.
இச்சந்திப்பில் மடுதேவாலய பரிபாலகர் கிங்ஸ்லி சுவாமிபிள்ளை, குரு முதல்வர் விக்டர் சூசை, முன்னாள் வன்னி மாவட்ட பாராளுமன்ற உறுப்பினர்களான முத்தலிப் பாபா பாறுக், ஹுனைஸ் பாரூக் மற்றும் வட மாகாண முகாமைத்துவ பணிப்பாளர் உமர்லெப்பை, பிராந்திய முகாமையாளர் விஜயபாலன் மற்றும் அதிகாரிகள் பலரும் கலந்து கொண்டனர்.
