சம்பத் வங்கியினை புறக்கணிக்குமாறு நான் கூறவில்லை

தனியார் வங்கி ஒன்றை புறக்கணிக்க முஸ்லிம்கள் வலியுறுத்தப்பட்டுள்ளதாக வெளியான செய்திகளை அகில இலங்கை ஜாமியத்துல் உலமா இன்று மறுத்துள்ளது.


அறிக்கை ஒன்றை வெளியிட்டுள்ள அகில இலங்கை ஜாமியத்துல் உலமா இதனை கூறியுள்ளது.


அண்மையில் தெஹிவளையில் உள்ள தனியார் வங்கியில் இடம்பெற்ற சம்பவம் குறித்தும் அந்த அறிக்கையில் கவலை வெளியிடப்பட்டுள்ளது.


இந்த சம்பவத்தில் ஒரு முஸ்லிம் பெண்ணின் முகத்தில் உள்ள ஆடைகளை அகற்ற மறுத்ததால் வங்கி கிளைக்கு அனுமதி வழங்கப்படவில்லை.


வங்கியின் பாதுகாப்பு அதிகாரிகள் அந்த பெண்ணின் தலையில் அணிந்திருந்த துணியை அகற்றுமாறு கேட்டுக் கொண்டதாக முன்னர் தெரிவிக்கப்பட்டிருந்தது.


எனினும், அவரது அடையாளத்தை சரிபார்க்க முடியாததால் முகத்தில் துணியை மட்டும் அகற்றுமாறு கேட்டுக் கொள்ளப்பட்டதாக வங்கி சார்பில் தெரிவிக்கப்பட்டுள்ளது.


இந்நிலையில், இதுபோன்ற சம்பவங்கள் சம்பந்தப்பட்ட தரப்பினரிடையே இணக்கமாக தீர்க்கப்படுவது மிகவும் பொருத்தமானது என்று அனைத்து இலங்கை ஜாமியத்துல் உலமா கூறியுள்ளது.


இந்த சம்பவத்தைத் தொடர்ந்து,

குறித்த தனியார் வங்கி கணக்குகளை ரத்து செய்யுமாறு முஸ்லிம்களை அனைத்து இலங்கை ஜாமியத்துல் உலமா கோரியுள்ளதாக தெரிவிக்கப்பட்டது.


“எனினும், இந்த தவறான, ஆதாரமற்ற குற்றச்சாட்டுகளை அனைத்து இலங்கை ஜாமியத்துல் உலமா திட்டவட்டமாக நிராகரிக்கிறது என்பதை பொதுமக்களுக்கு தெரிவிக்க விரும்புகிறோம்,
மேலும் அனைத்து இலங்கை ஜாமியத்துல் உலமா இதுபோன்ற அறிக்கைகளை ஒருபோதும் வெளியிடவில்லை என்பதை பொறுப்புடன் கூற விரும்புகிறோம்.
சமூக ஊடகங்களில் பரப்பப்படும் தவறான செய்திகளைப் பற்றி விழிப்புடன் இருக்குமாறு பொது மக்களுக்கு நாங்கள் தெரிவிக்கிறோம்.


அத்துடன், அனைத்து இலங்கை ஜாமியத்துல் உலமா தொடர்பான எந்தவொரு செய்தி அறிக்கையையும் அதன் அதிகாரப்பூர்வ வலைத்தளத்தின் மூலம் சரிபார்க்குமாறு பொதுமக்களை தயவுசெய்து கேட்டுக்கொள்கிறோம், ” என தெரிவிக்கப்பட்டுள்ளது.

Enter Your Mail Address

0Shares

Comments

comments

Shares